Samiske verk i Nasjonalmuseet

I denne omvisinga ser me på verk av samiske kunstnarar og designarar i Nasjonalmuseet.

Omvisinga startar ved Máret Ánne Saras verk «Pile o'Sápmi», som heng i Vestibylen, før me beveger oss inn i samlinga. Der ser me på verk av kunstnarar som Annelise Josefsen, John Savio, Hans Ragnar Mathisen og Iver Jåks - og designarar og kunsthandverkarar som Ramona Salo Myrseth og Aslaug Magdalena Juliussen.

Me går også innom andre verk av samiske kunstnarar, eller med tematikk som rører ved det samiske.

I sommarhalvåret avsluttar me på museets terrasse, ved «A House for All Cosmologies» av arkitekt og kunstnar Joar Nango.